Қазақстан
  • Басты бет
  • МЕДИАЦИЯ – ДАУЛАРДЫ СОТҚА ДЕЙІН РЕТТЕУ

МЕДИАЦИЯ – ДАУЛАРДЫ СОТҚА ДЕЙІН РЕТТЕУ

Кәсіпкерлік қызметті жүзеге асыру барысында даулы жағдайлар жиі туындап отырады. Көбінеки мұндай жағдайлар үлгілік / сапасыз шарт жасасудың немесе арам пиғылды контрагенттің салдарынан жеке және заңды тұлғалардың құқықтары мен міндеттерінің бұзылғанын білдіреді.

Құқықтары бұзылған адамдардың көпшілігі оларды қорғау үшін сот немесе құқық қорғау органдарына жүгінеді. Немесе мәселені озбырлықпен өз бетімен шешуге тырысады, бұл жағымсыз немесе тіпті қылмыстық салдарға, залалдарға әкеп соқтыруы мүмкін. Бұл жағдайда дауды шешудің анағұрлым қарапайым әрі үнемді тәсілі – даулы жағдайларды дауды сотқа дейін шешу жолымен реттеу тәсілі – медиация назардан тыс қалып жатады.

Медиация дегеніміз не? Бұл даулы жағдайларды үшінші тәуелсіз тараптың – Медиатордың шешу рәсімі. Медиативті рәсімнің басты міндеті — тараптарды ортақ шешімге (ымыраға) келтіру, соның арқасында тараптар даудың сәтті шешіміне келеді. Дегенмен, Қазақстанда медиативті келісімді сәтті түрде жасасуда сауатты заңгерлік қолдаудың маңызы зор, бұл жағдайда тәжірибелі заңгер қақтығыс тараптарына сол не өзге шешімдердің барлық салдарын заңнама тұрғысынан түсіндіріп бере алады.  Медиация процесі еліктіретін шахмат ойынына ұқсас, оның шеңберінде екі жақ тарап қақтығыстық жағдайды одан әрі ұлғайтудағы өз перспективаларын анық түсініп, күш-жігерін ымыралық шешім табуға жұмсайтын болады.

Кез-келген заңгер Медиатор бола ала ма? Бұл сұраққа біржақты «жоқ» деп жауап береміз. Медиатордың жақсы біліктілігімен қатар Қазақстан Республикасының Үкіметі белгілеген тәртіппен бекітілетін медиаторларды даярлау бағдарламасы бойынша оқығанын растайтын сертификаты болып, кәсіпқой медиаторлар тізілімінде тіркелген болуы тиіс. Кейде медиатордың кәсіби сертификаты болмауы мүмкін, мұндай медиатор кәсіпқой емес медиаторлар тізілімінде тіркелген болуы тиіс, аталған тізілімге ол басқа талаптарды ұстанған жағдайда 40 жасқа толғаннан кейін ғана енгізілуі мүмкін.

ҚАЗАҚСТАНДА МЕДИАЦИЯНЫ ЖҮРГІЗУ МЕН МЕДИАТИВТІ КЕЛІСІМДІ ЖАСАСУДЫҢ ЖАҒЫМДЫ ЖАҚТАРЫ:

  • Қақтығыстық жағдайларды жылдам шешу. Дауды медиация тәртібімен шешу бірнеше күннен бастап бірнеше аптаға дейін созылуы мүмкін, бұл өзінде дауды қарастыру бірнеше айдан бастап бірнеше жылға дейін жалғасатын соттағы қарастыру мерзімінен біраз есе жылдам;
  • Құпиялылық. Соттардың істерді жария түрде қарастыруына қарағанда, медиация рәсімі толығымен құпиялы болып табылады. Медиация рәсімін жүргізу кезінде қолданылған кез келген дәлелдемелер құпиялылығын сақтайды және жария болмайды.
  • Келіссөздерді жүргізу процесін үйлестіру. Сот процессімен салыстырғанда келіссөздер жүргізу кезінде тараптардың дауыс беру құқығы анағұрлым артық, бұл келіссөздер процесін процесс тараптарының өздерінің, сондай-ақ медиатордың үйлестіріп отыруына мүмкіндік береді.
  • Қаражаттың айтарлықтай үнемделуі. Тәжірибе көрсетіп отырғандай, медиация процедурасы анағұрлым аз уақытты алады, соған сәйкес сотта құқықтарын қорғау үшін қорғаушыларды немесе өкілдерді жалдаудың қажеті болмайды. Оған қоса, лицензиясы бар медиатордың қызметі қорғаушы лицензиясына ие жақсы қорғаушының қызметтерімен салыстырғанда айтарлықтай арзанға түседі.
  • Тараптардың барлығы үшін тиімді нәтиже. Сот процесімен салыстырғанда, тараптар әдетте олардың әрқайсысы үшін барынша тиімді болатын ортақ қорытындыға келеді, себебі процесте дауда жеңген және жеңілген тарап анықталмайды, оның орнына туындаған қақтығыстың шешімі өзара келісіледі.

Біздің кәсіпқой командамыз Сізге медиация рәсімін жүргізу және соңынан медиативті келісім жасасу арқылы)контрагентпен қақтығыстық жағдайларды шешуге арналған кең ауқымды қызмет түрлерін ұсынады. «FChain» заңгерлері кез келген күрделілік дәрежесіне ие дауларды медиативті шешіп, соңынан медиативті келісімді ресми түрде тіркеу үшін қажетті біліктілік пен тәжірибеге ие.

«FChain» компаниясының қызметтерін пайдалану арқылы Сіз төмендегідей нәтижелерге ие боласыз:

  • Даудың барынша қысқа мерзімде қарастырылуы;
  • Кәсіби заңгерлік кеңес беру және көмек;
  • Тараптардың уағдаластығына негізделген әділ шешім;
  • Қол қойылған және тіркеу қажет болған жағдайда тіркелген медиативті келісім;
  • Уақыт пен қаражаттың айтарлықтай үнемделуі;
  • Қақтығыстың барлық тараптары үшін медиация рәсімін жүргізудің ыңғайлы кестесі
  • Барабар бағамен жоғары сапалы қызмет көрсету

Өтініміңізді almaty@f-chain.com адресі бойынша қалдырыңыз, біз кез келген күрделі дауларды шешуге міндетті түрде көмектесеміз!

Ақыл-кеңес

Бізге жазыңыз немесе жақын орналасқан кеңсені табыңыз