2026 жылғы корпоративтік табыс салығы бойынша аванстық төлемдер - FCHAIN

2026 жылғы корпоративтік табыс салығы бойынша аванстық төлемдер

 2026 жылғы 1 қаңтардан бастап Қазақстан Республикасының жаңа Салық кодексіне (348-бап) сәйкес корпоративтік табыс салығы (КТС) бойынша аванстық төлемдерге қатысты өзгерістер күшіне енді. КТС бойынша аванстық төлемдерді төлеушілер – алдыңғы салық кезеңінен бұрынғы салық кезеңі үшін түзетулерді ескере отырып есептелген жиынтық жылдық табысы 600 000 АЕК-тен асатын заңды тұлғалар. Алайда, аванстық төлемдерді төлеу міндеті туындамайтын жағдайлар бар.

 

1. Табысы төмен салық төлеушілер

Келесі шарттарға сәйкес келетін компаниялар аванстық төлемдерді төлеушілер болып саналмайды:

• Тиісті кезең үшін түзетулерді ескере отырып есептелген жиынтық жылдық табысы 600 000 АЕК-тен аспайтын (2026 жылы – 2 595 000 000 теңге) салық төлеушілер.

Бұл табыс деңгейі төмен шағын және орта бизнес субъектілерінің КТС бойынша аванстық төлемдерден босатылатынын білдіреді.

 

2. Жаңадан құрылған салық төлеушілер

Жаңадан тіркелген салық төлеушілер:

• Мемлекеттік (есептік) тіркеу жүргізілген салық кезеңі ішінде аванстық төлемдерді төлемейді;
• Сондай-ақ тіркеуден кейінгі келесі салық кезеңінде де төлемейді.

 

3. Жаңадан тіркелген бейрезиденттер

Қазақстан Республикасында тұрақты мекеме арқылы, бірақ заңды тұлғаның құрылымдық бөлімшесін ашпай қызметін жүзеге асыратын және салық органдарында жаңадан тіркелген заңды тұлға-бейрезиденттер:

• Тіркелген салық кезеңінде және одан кейінгі келесі салық кезеңінде аванстық төлемдерді төлеуден босатылады.

 

4. Коммерциялық емес ұйымдар (КЕҰ)

Салық кодексінің 329-бабының 1-тармағын және 330-бабын қолданатын кейбір коммерциялық емес ұйымдар:

• КТС бойынша аванстық төлемдерді есептеу және төлеу міндетінен босатылады.

 

5. Мүгедектігі бар адамдар ұйымдары

Салық кодексінің 331-бабына сәйкес тіркелген мүгедектігі бар адамдар ұйымдары:

• КТС бойынша аванстық төлемдерді төлеушілер болып табылмайды.

 

6. Заңды тұлғалардың арнайы санаттары

Төмендегі ұйымдар да аванстық төлемдерді төлеуден босатылады:

• Екінші деңгейдегі банктердің кредиттік портфельдерінің сапасын жақсартуға маманданған, жалғыз акционері Қазақстан Республикасының Үкіметі болып табылатын ұйым;
• «Астана» халықаралық қаржы орталығы туралы Қазақстан Республикасының Конституциялық заңына сәйкес Орталықтың органдары мен АХҚО ұйымдары;
• Қазақстан Республикасының жер қойнауы және жер қойнауын пайдалану туралы заңнамасына сәйкес құрлықтағы газ жобаларын іске асыратын және Салық кодексінің 83-тарауында көзделген салық салудың ерекшеліктерін қолданатын жер қойнауын пайдаланушылар.

 

Бұл бизнеc үшін неліктен маңызды

Компанияңыздың КТС бойынша аванстық төлемдерді төлеушілер қатарына жататынын немесе жатпайтынын білу – салық жүктемесін оңтайландырумен қатар, 2026 жылға қаржылық ағындар мен бюджеттік міндеттемелерді дұрыс жоспарлауға мүмкіндік береді.

 

FChain қалай көмектеседі

FChain – Қазақстандағы бизнеске салықтық сүйемелдеу көрсететін сенімді серіктес. Біз:

• Компанияңыздың 2026 жылы КТС бойынша аванстық төлемдерді төлеу міндеті бар-жоғын анықтаймыз;
• Барлық қажетті салық есептілігін және есептеулерді дұрыс дайындауға көмектесеміз;
• Есептеулердегі қателіктер немесе мерзімін өткізіп алу салдарынан болатын айыппұлдар тәуекелін азайтамыз;
• Қолданыстағы Салық кодексі мен ҚР Қаржы министрлігінің Мемлекеттік кірістер комитеті тәжірибесін ескере отырып, салық жүктемесін оңтайландырамыз.

FChain-мен бірге сіз салық міндеттемелеріңіздің заңнамаға толық сәйкес, дәл әрі уақытында орындалатынына сенімді боласыз.

 

Кәсіби кеңес алу үшін almaty@f-chain.com электрондық поштасы арқылы немесе WhatsApp: +7 771 214 1820 нөмірі бойынша хабарласыңыз.

 Бизнес үшін өсімпұлдар мен айыппұлдарды есептен шығару қағидалары

 

Дайындаған: Мөлдір Мұхтар

Бизнес дамыту жөніндегі маман

FChain Қазақстан

26 қаңтар 2026 жыл