Банктік шоттарды ашу: өзгерістер енгізілді

Банктік шоттарды ашу: өзгерістер енгізілді

 Қазақстан Республикасы Ұлттық Банкінің 2025 жылғы 31 желтоқсандағы қаулысымен клиенттердің банктік шоттарын ашу, жүргізу және жабу қағидаларына, сондай-ақ Қазақстан Республикасының аумағында қолма-қол ақшасыз төлемдер мен ақша аударымдарын жүзеге асыру қағидаларына өзгерістер енгізілді. Құжат 2026 жылғы 11 қаңтардан бастап күшіне енеді. Өзгерістердің мақсаты – қаржылық операциялардың ашықтығын арттыру, жеке және кәсіби төлемдерді дұрыс ажырату, сондай-ақ жекелеген жағдайларда, оның ішінде гранттық қаржыландыру кезінде, шоттарды рәсімдеу және төлемдерді жүзеге асыру талаптарын нақтылау.

 

Жеке тұлғаның банктік шот ашуына қойылатын жаңартылған талаптар

Банктік шот ашу кезінде жеке тұлға-клиент банкке өтініш ұсынады, онда банктік шот арқылы кәсіпкерлік қызметке, өзін-өзі жұмыспен қамтығандар үшін арнайы салық режимі шеңберіндегі қызметке, нотариаттық қызметке, адвокаттық қызметке, атқарушылық құжаттарды орындау қызметіне, медиация тәртібімен дауларды реттеу қызметіне байланысты мұндай шарттар клиент пен банк арасындағы банктік қызмет көрсету шартында көзделмесе операциялардың жүзеге асырылмайтыны көрсетіледі.

 

Осылайша, егер өзгеше шарттар қызмет көрсету талаптарында алдын ала келісілмесе, шот ашу кезінде банк шоттың мақсатты пайдаланылуын және белгілі бір қызмет түрлерінің жүзеге асырылмайтынын растауды талап етеді,

 

Өзін–өзі жұмыспен қамтығандар үшін ерекше тәртіп

Өзін-өзі жұмыспен қамтығандар үшін арнайы салық режимі шеңберінде қызметті жүзеге асыру мақсатында жеке тұлға ағымдағы шот ашқан кезде клиент (азамат немесе қандас) банкке жеке басын куәландыратын құжатты, сондай-ақ Қазақстан Республикасының Салық кодексінің 77-тарауына сәйкес арнайы салық режимін қолдана отырып, өзін-өзі жұмыспен қамтығандарға арналған шот ашу туралы өтінішті ұсынады. Іс жүзінде бұл қолданыстағы салық режимін ескере отырып, өзін-өзі жұмыспен қамтыған тұлға үшін шотты дұрыс ашуға қажетті құжаттардың нақты тізбесін бекітеді.

 

Қолма–қол ақшасыз төлемдердегі өзгерістер

Қазақстан Республикасының аумағында қолма-қол ақшасыз төлемдер мен ақша аударымдарын жүзеге асыру қағидалары жаңа тармақпен толықтырылды. Ғылыми және ғылыми-техникалық қызмет нәтижелерін коммерцияландыру жобалары бойынша гранттық қаржыландыру кезінде грант алушының атына ашылған эскроу-шот режиміндегі ағымдағы шоттан төлем тараптар арасында жасалған шарт негізінде контрагенттің (шарт тараптарының) банктік шотына жүзеге асырылады.

 

FChain қалай көмектеседі

FChain жаңа регуляторлық талаптарды ескере отырып, клиенттердің қаржылық процестерін дұрыс құруға көмектеседі. Біз банктік шоттың дұрыс түрін таңдау және операциялардың мақсаттарын айқындау бойынша кеңес береміз, шот ашу үшін қажетті құжаттарды дайындауды (оның ішінде өзін-өзі жұмыспен қамтығандар үшін) сүйемелдейміз, сондай-ақ гранттық қаржыландыру және эскроу-шоттар арқылы есеп айырысу жобаларын қолдап, регуляторлық және операциялық тәуекелдерді төмендетеміз.

 

Кәсіби кеңес алу үшін almaty@f-chain.com электрондық поштасы арқылы немесе WhatsApp: +7 771 214 1820 нөмірі бойынша хабарласыңыз.

 2026 жылы арнайы салық режиміне көшу кезінде ҚҚС бойынша есептен шығару

 

Дайындаған: Мөлдір Мұхтар

Бизнес дамыту жөніндегі маман

FChain Қазақстан

12 қаңтар 2026 жыл