ҚҚС және бизнес: 2026 жылдан бастап қандай жаңалықтар күшіне енеді

ҚҚС және бизнес: 2026 жылдан бастап қандай жаңалықтар күшіне енеді

Қазақстан Республикасының жаңа Салық кодексінің қабылдануы соңғы жылдардағы салық саясаты саласындағы ең маңызды өзгерістердің бірі болды. Экономиканың барлық салаларына әсер ететін негізгі салықтардың бірі — қосылған құн салығын (ҚҚС) әкімшілендіруді реформалауға ерекше көңіл бөлінді. 2026 жылғы 1 қаңтардан бастап есептілікті жеңілдетуге, ашықтықты арттыруға және кейбір бизнес санаттары үшін салықтық жүктемені төмендетуге бағытталған бірқатар өзгерістер күшіне енеді. Төменде негізгі жаңалықтар мен олардың кәсіпкерлерге және экономикалық жағдайға әсері қарастырылады.

ҚҚС–тың стандартты мөлшерлемесінің 16%-ға дейін ұлғаюы

Жаңа Салық кодексіне сәйкес, 2026 жылғы 1 қаңтардан бастап ҚҚС-тың базалық мөлшерлемесі 16% болады. Бұл мөлшерлеме ҚҚС салынатын айналым мен импортқа қолданылады. Мақсат — салық базасын кеңейту және мемлекеттік бюджетті нығайту. Мемлекет әлеуметтік маңызы бар тауарлар мен қызметтердің бағасының негізсіз өсуіне жол бермеу үшін өтемдік шаралар енгізеді.

Медициналық сала үшін төмендетілген мөлшерлемелер

Маңызды жаңалықтардың бірі — дәрілік заттар мен медициналық қызметтерге арналған төмендетілген мөлшерлемелердің енгізілуі:

• 2026 жылдан бастап — 5%
• 2027 жылдан бастап — 10%

Бұл жеңілдіктер ҚҚС-тан босатылған қызмет түрлеріне қолданылмайды. Төмендетілген мөлшерлемелердің мақсаты — халықты қолдау, емдеу құнын төмендету және медициналық қызметтердің қолжетімділігін арттыру.

ҚҚС бойынша міндетті тіркеу шегінің төмендеуі

Маңызды өзгерістердің бірі — міндетті түрде тіркелу шегінің 20 000 АЕК-тен 10 000 АЕК-ке дейін азаюы. Бұл шешім көлеңкелі экономиканы азайтуға бағытталған. Бұрын көптеген кәсіпкерлер ҚҚС төлеуден жалтару үшін бизнесті жасанды түрде бөлшектейтін. Жаңа шек мұндай тәсілдердің тиімсіз болуына әкеліп, әділ бәсекелестік ортасын қалыптастырады.

Бұл өзгеріс салық базасының кеңеюіне және ресми тіркелген субъектілердің көбеюіне ықпал етеді.

Ауыл шаруашылығын қолдау

Шаруа қожалықтары бұрынғыдай ҚҚС төлеушілер қатарына жатпайды.
Ал ауыл шаруашылығы тауарын өндіруші заңды тұлғалар үшін есепке жатқызылатын ҚҚС үлесі 70%-дан 80%-ға дейін ұлғаяды. Бұл отандық агросектордың жүктемесін азайтып, азық-түлік бағасының өсуінің алдын алуға көмектеседі.

Тұрғын үйді сату және жалға беру бойынша ҚҚС-тан босатудың күшін жою

2026 жылғы 1 қаңтардан бастап тұрғын үйді сату және жалға беру кезінде ҚҚС-тан босату жойылады. Бұл салық есебін айтарлықтай жеңілдетеді, өйткені компаниялар енді тұрғын және коммерциялық алаңдар бойынша кіріс ҚҚС-ын бөлуге міндетті болмайды.

 Жаңалықтардың экономикаға әсері

ҚҚС әкімшілендірудің кешенді өзгерістері: бизнестің ашықтығын арттыруға, салықтық бақылауды күшейтуге, көлеңкелі экономиканы қысқартуға, әділ бәсекелестік орта қалыптастыруға, әлеуметтік маңызы бар салаларды қолдауға, экономикалық белсенділікті арттыруға бағытталған.

Ұзақ мерзімде бұл реформалар бюджет тұрақтылығын нығайтуға және кәсіпкерлік үшін қолайлы жағдай жасауға ықпал етеді.

FChain компаниясының жаңа талаптарға бейімделуге көмегі

FChain компаниясы салықтық консалтинг, бухгалтерлік және заңгерлік қолдау көрсетуде үлкен тәжірибеге ие. Салық заңнамасындағы ауқымды өзгерістер жағдайында біз сіздің бизнесіңізге:

• ҚҚС мөлшерлемелерінің өзгеруіне дайындалуға;
• жаңалықтардың қаржылық модельге әсерін бағалауға;
• ҚҚС бойынша тіркелу қажеттілігін талдауға;
• салықтық жүктемені оңтайландыруға;
• кіріс және шығыс ҚҚС-ты дұрыс есепке алуға;
• есептілікті уақытылы және дұрыс тапсыруға;
• айыппұлдар мен камеральдық ескертулерден сақтануға;
• тиімді салықтық жоспарлау жүйесін құруға көмектеседі.

Біз өтпелі кезеңде толық сүйемелдеу ұсынып, жаңа заңнамалық талаптар жағдайында бизнесіңіздің сенімді жұмыс істеуіне жағдай жасаймыз.

Кәсіби кеңес алу үшін almaty@f-chain.com электрондық поштасы арқылы немесе WhatsApp: +7 771 214 1820 нөмірі бойынша хабарласыңыз.

  1 қаңтар 2026 жылдан бастап салық төлеушілерді тіркеудің жаңа ережелері

Дайындаған: Мөлдір Мұхтар
Бизнес дамыту жөніндегі маман

FChain Қазақстан
04 желтоқсан 2025 жыл