Бухгалтерлік және салық жаңалықтары – Шілде 2026 - FCHAIN

Бухгалтерлік және салық жаңалықтары – Шілде 2026

Шілде айы бухгалтерлер үшін салыстырмалы түрде тыныш кезең болып табылады. Бірінші тоқсан бойынша есептілік тапсырылып болды, ал бірінші жартыжылдықтың есептілігі тамыз айында басталады. Шілде айының ерекшелігі – 6 шілде – Астана күні мемлекеттік мерекесі. Бес күндік жұмыс аптасында 4–6 шілде демалыс күндері болғандықтан, бірқатар салықтық және статистикалық есептілік мерзімдері келесі жұмыс күніне ауыстырылады. Төменде 2026 жылғы шілде айына арналған бухгалтерлердің практикалық чек-парағы ұсынылған.

 

1. Жалақы төлеу

2026 жылғы 1–10 шілде аралығында:

1. Маусым айының жалақысын есептеу және төлеу;
2. ЖТС, МЗЖ, МКЗЖ, ЖМЗЖ, әлеуметтік салық, әлеуметтік аударымдар, МӘМС аударымдары мен жарналары, сондай-ақ Бірыңғай жалақы төлемін есептеу және ұстау;
3. 1С жүйесіндегі есептеулердің дұрыстығын тексеру;
4. Жұмыс уақытының табельдерін жаңарту;
5. Демалыс және еңбекке уақытша жарамсыздық төлемдерінің дұрыс есептелуін тексеру.

Маңызды: Жалақы 2026 жылғы 10 шілдеден кешіктірілмей төленуі тиіс (Қазақстан Республикасы Еңбек кодексінің 113-бабы).

 

2. Салықтық есептілікті тапсыру және салықтар мен міндетті төлемдерді төлеу

Салықтық есептілік ИС ИСНА жаңа Салық төлеуші кабинетінде ұсынылады. СОНО және ескі Салық төлеуші кабинеті пайдаланылмайды.

2026 жылғы 7 шілдеден кешіктірмей

Төленуі тиіс:

• Жеке практикамен айналысатын тұлғаның 2026 жылғы маусым айы үшін жеке табыс салығы.

Маңызды: Әдеттегі төлеу мерзімі – 5 шілде, алайда 2026 жылы 5 шілде жексенбіге, ал 6 шілде мемлекеттік мерекеге сәйкес келгендіктен, мерзім 7 шілдеге ауыстырылады.

2026 жылғы 10 шілдеден кешіктірмей

• Бейрезидент жеке тұлғаның табыстары мен мүлкі туралы декларациясы (270.00-нысан) бойынша ЖТС.

2026 жылғы 27 шілдеден кешіктірмей

25 шілде сенбі күніне сәйкес келгендіктен, бірыңғай салық төлеу күні 27 шілде (дүйсенбі) күніне ауыстырылады.

Осы күнге дейін:

1. Төлем көзінен ұсталатын ЖТС;
2. Әлеуметтік салық;
3. Міндетті зейнетақы жарналары;
4. Міндетті кәсіптік зейнетақы жарналары;
5. Жұмыс берушінің міндетті зейнетақы жарналары;
6. Әлеуметтік аударымдар;
7. МӘМС бойынша аударымдар мен жарналар;
8. Азаматтық-құқықтық шарттар бойынша әлеуметтік төлемдер;
9. Бірыңғай жалақы төлемі;
10. 2026 жылғы шілде айына арналған КТС бойынша аванстық төлемдер;
11. Төлем көзінен ұсталатын корпоративтік табыс салығы төленуі тиіс.

 

3. Статистикалық есептілік

Ай ішінде:

1. Өз ЭҚЖЖ бойынша міндетті статистикалық есептілікті тексеру;
2. Міндетті статистикалық есептердің тізбесін қалыптастыру;
3. Айлық статистикалық есептердің мерзімдерін бақылау;
4. 2026 жылдың II тоқсаны бойынша тоқсандық есептілікке дайындалу ұсынылады.

Келесі мерзімдердің ауысуын ескеру қажет:

1. 5–6 шілдеге белгіленген есептер – 7 шілдеге;
2. 12 шілдеге белгіленген есептер – 13 шілдеге;
3. 19 шілдеге белгіленген есептер – 20 шілдеге ауыстырылады.

 

4. Ішкі бақылау және жартыжылдық есептілікке дайындық

Бірінші жартыжылдықтың есептілігі тамыз айында басталатындықтан, шілде айын ішкі бухгалтерлік тексеру жүргізуге пайдалану ұсынылады.

Ай ішінде:

• ~ Маусым айының бастапқы құжаттарын жабу;
• ~ Қол қойылған актілердің, жүкқұжаттардың және ЭШФ-лардың болуын тексеру;
• ~ ИС ЭШФ порталы мен 1С жүйесі арасындағы деректерді салыстыру;
• ~ Контрагенттермен салыстыру актілеріне қол қою;
• ~ Дебиторлық және кредиторлық берешекті тексеру;
• ~ ҚҚС бойынша міндетті тіркеу шегін (10 000 АЕК – 43 250 000 теңге) бақылау;
• ~ Ұйымның 270.00 немесе 493.00 нысандарын тапсыру міндеті бар-жоғын анықтау;
• ~ Екінші жартыжылдыққа арналған демалыс кестесін дайындау;
• ~ Жартыжылдық салықтық және қаржылық есептілікке қажетті есептік деректерді әзірлеу.

Шілде айы жартыжылдық есептілік басталғанға дейін бухгалтерлік есепті жан-жақты тексеруге мүмкіндік береді. Уақтылы салыстыру, есеп айырысуларды бақылау, берешекті талдау және бастапқы құжаттарды дайындау есептілік кезінде қателіктердің алдын алып, салықтық тәуекелдерді азайтуға көмектеседі.

 

FChain – бухгалтерлік сүйемелдеудегі сенімді серіктесіңіз

Бухгалтерлік және салықтық есепті тиімді жүргізу заңнамадағы өзгерістерді тұрақты бақылауды, есептілікті уақытылы тапсыруды және құжаттарды дұрыс рәсімдеуді талап етеді. Есептегі қателер қосымша салық есептеулеріне, айыппұлдарға, шоттардың бұғатталуына және бизнес үшін қаржылық тәуекелдерге әкелуі мүмкін.

 FChain келесі бухгалтерлік қызметтерді ұсынады:

1. Қазақстан Республикасының заңнамасына сәйкес бухгалтерлік және салықтық есеп жүргізу;
2. Салықтық, статистикалық және қаржылық есептілікті дайындау және тапсыру;
3. Жалақыны, салықтарды және міндетті әлеуметтік төлемдерді есептеу;
4. Бухгалтерлік есепті қалпына келтіру және өткен кезеңдердің қателерін түзету;
5. Салық салу және бухгалтерлік есеп мәселелері бойынша кәсіби кеңес беру.

Бухгалтерлік сүйемелдеуді FChain мамандарына сеніп тапсырып, бизнесіңізді дамытуға көңіл бөліңіз. FChain мамандарына бүгін хабарласып, бухгалтерлік есеп, салық салу, жалақыны есептеу және салықтық есептілік бойынша кәсіби кеңес алыңыз.

 

 Денсаулық сақтау саласындағы ҚҚС: жаңа салық мөлшерлемелері

Дайындаған: Мөлдір Мұхтар

Бизнес дамыту жөніндегі маман

FChain Қазақстан

📩almaty@f-chain.com
WhatsApp: +7 771 214 1820