2026 жылға арналған өндірістік күнтізбе мен жұмыс уақытының балансы жаңартылды - FCHAIN

2026 жылға арналған өндірістік күнтізбе мен жұмыс уақытының балансы жаңартылды

Қазақстан Республикасы Еңбек және халықты әлеуметтік қорғау министрлігі «Қазақстан Республикасындағы мерекелер туралы» Заңға енгізілген өзгерістерге байланысты 2026 жылғы мереке және демалыс, сондай-ақ 2026 жылға арналған жұмыс уақытының балансы жаңартты.

Негізгі өзгеріс – Қазақстан Республикасының Конституция күні 30 тамыздан 15 наурызға ауыстырылды. Осыған байланысты 2026 жылғы жұмыс және демалыс күндерінің саны, сондай-ақ жұмыс уақытының жылдық нормасы қайта есептелді.

 

Не өзгерді?

Өндірістік күнтізбе жұмыс берушілер, бухгалтерлер және кадр қызметі мамандары үшін негізгі құжаттардың бірі болып табылады. Оның негізінде жұмыс уақытының нормасы, еңбекақы, еңбек демалысына төленетін төлемдер, өтемақылар есептеледі және қызметкерлердің жұмыс кестесі жасалады. Сондықтан заңнамадағы өзгерістерге байланысты жұмыс берушілерге есептеулерін қайта қарап, қолданылатын көрсеткіштерді жаңарту ұсынылады.

Жаңартылған мәліметтерге сәйкес, 2026 жылғы жұмыс уақытының нормасы:

40 сағаттық жұмыс аптасы кезінде:

• бес күндік жұмыс аптасы – 1 976 сағат (247 жұмыс күні);
• алты күндік жұмыс аптасы – 1 993 сағат.

36 сағаттық жұмыс аптасы кезінде:

• бес күндік жұмыс аптасы – 1 778,4 сағат;
• алты күндік жұмыс аптасы – 1 794 сағат.

 

Бұл жұмыс берушілер үшін неге маңызды?

Жаңартылған өндірістік күнтізбе келесі жағдайларда міндетті түрде ескерілуі тиіс:

• еңбекақыны есептеу кезінде;
• еңбек демалысы мен өтемақыларды есептеу кезінде;
• ауысымдық жұмыс кестелерін жоспарлау кезінде;
• жұмыс уақытының нормасын анықтау кезінде;
• жұмыс уақытының табельдерін жүргізу кезінде;
• кадрлық жоспарлау және жұмыс процесін ұйымдастыру кезінде.

Ескірген жұмыс уақыты нормаларын пайдалану еңбекақыны есептеуде, кадрлық құжаттамада қателіктерге және еңбек заңнамасының талаптарын бұзуға әкелуі мүмкін.

 

FChain компаниясының бизнеске арналған қызметтері

FChain компаниясы бухгалтерлік есеп, кадрлық әкімшілендіру және заңдық сүйемелдеу бойынша кешенді қызметтер ұсынады.

Біздің қызметтерімізге мыналар кіреді:

• Қазақстанда бизнесті тіркеу; шетелдік жеке және заңды тұлғалардың қатысуымен компанияларды тіркеу;
• Кадрлық іс жүргізу және кадрлық аудит қызметтері;
• Бухгалтерлік сүйемелдеу және жалақыны есептеу;
• Аутстаффинг қызметтері;
• Компанияларды заңгерлік сүйемелдеу;
• Еңбек, корпоративтік және салық заңнамасы мәселелері бойынша заңгерлік консультациялар.

Біз бизнесіңіздің заң талаптарына сәйкестігін қамтамасыз етіп, тәуекелдерді азайтуға және күнделікті операциялық міндеттерді тиімді ұйымдастыруға көмектесеміз. Осылайша сіз компанияңыздың дамуы мен стратегиялық мақсаттарына назар аудара аласыз.

 

 Бухгалтерлік және салық жаңалықтары – Шілде 2026

Дайындаған: Мөлдір Мұхтар

Бизнес дамыту жөніндегі маман

FChain Қазақстан

📩almaty@f-chain.com
WhatsApp: +7 771 214 1820