Салық кодексіне енгізілетін өзгерістер: жаңа бастамалар мен салықтық жеңілдіктер - FCHAIN

Салық кодексіне енгізілетін өзгерістер: жаңа бастамалар мен салықтық жеңілдіктер

Қазақстанда салық заңнамасын жетілдіру жұмыстары жалғасуда. Қарауға Салық кодексіне енгізілетін түзетулердің жаңа топтамасы ұсынылды. Ол цифрлық активтер нарығын дамытуға, инвесторларды қолдау шараларын кеңейтуге және салықтық әкімшілендіруді жетілдіруге бағытталған бастамаларды қамтиды. Ұсынылған бастамалар Жобалық офис пен салалық жұмыс топтарының жұмысы аясында, сондай-ақ Қазақстан Республикасы Президентінің, Үкіметтің және Премьер-Министрдің тапсырмаларын орындау мақсатында әзірленді. Бүгінгі таңда түзетулер топтамасына 45 ұсыныс енгізілген. Олардың негізгі ережелері Ұлттық экономика министрлігі жариялаған Реттеушілік саясат жөніндегі консультативтік құжатта көрініс тапқан.

 

Жеке тұлғаларды цифрлық активтермен жасалған операциялар бойынша жеке табыс салығынан босату

Ең маңызды бастамалардың бірі – лицензияланған қазақстандық цифрлық активтер қызметтерін жеткізушілер арқылы цифрлық активтермен операциялар жүргізетін жеке тұлғалар үшін уақытша салықтық жеңілдік енгізу туралы ұсыныс. Осыған сәйкес, 2026 жылғы 1 қаңтардан бастап 2028 жылғы 31 желтоқсанға дейін мұндай операциялардан алынған табысты жеке табыс салығынан (ЖТС) босату ұсынылады. Бұл шара:

• ~ Қазақстандағы ресми цифрлық активтер платформаларын пайдалануды ынталандыруға;
• ~ цифрлық активтермен жасалатын операциялардың ашықтығын арттыруға;
• ~ цифрлық экономиканың дамуына қолайлы жағдай жасауға;
• ~ бейресми сектордағы операциялар көлемін қысқартуға мүмкіндік береді деп күтілуде.

 

Инвесторларды қолдаудың қосымша шаралары

Түзетулердің жеке блогы Қазақстанның инвестициялық ахуалын жақсартуға бағытталған. Атап айтқанда, мыналар ұсынылады:

• ~ басым инвестициялық келісімшарттарды жасау тетігін қайта енгізу;
• ~ салықтық және өзге де фискалдық жеңілдіктердің толық пакетін көздейтін инвестициялық келісімдерді қайта жасау мүмкіндігін қалпына келтіру;
• ~ инвесторларға қажетті инфрақұрылымды өз қаражаты есебінен жүргізуге және кейіннен жұмсалған шығындарды корпоративтік табыс салығы (КТС) бойынша шегерімдер арқылы өтеуге мүмкіндік беру.

Әзірлеушілердің пікірінше, бұл өзгерістер инвестициялық жобаларды отандық және шетелдік инвесторлар үшін тартымдырақ етеді.

 

Тағы қандай өзгерістер ұсынылуда

Цифрлық активтер мен инвестициялық жеңілдіктерден бөлек, түзетулер топтамасына мынадай бастамалар енгізілген:

1. тауарларды міндетті таңбалауға жұмсалған шығындар бойынша ұлғайтылған шегерім енгізу;
2. мүгедектігі бар адамдар үшін жеке табыс салығы бойынша шегерімдерді кеңейту;
3. жекелеген табыс түрлерін әлеуметтік салықтан босатуды қайта енгізу;
4. факторинг және форфейтинг операцияларын қосылған құн салығынан (ҚҚС) босату;
5. ауыл шаруашылығы өнімдері бойынша есепке жатқызылатын ҚҚС тәртібін түзету;
6. жеміс шараптарына салынатын акциздерді реттеуге өзгерістер енгізу;
7. бірқатар өзге де салықтық тетіктерді жетілдіру.

Жалпы алғанда, бұл топтамаға Жобалық офис отырыстарында бұрын қабылданған 20 шешім енгізілген.

 

Салықтық әкімшілендіруді одан әрі цифрландыру

Ұсынылған түзетулердің тағы бір маңызды бағыты – салықтық әкімшілендіруді одан әрі цифрландыру. Түзетулер қолданыстағы Салық кодексін қолдану барысында анықталған мәселелерді жоюға және салықтық рәсімдерді жетілдіруге бағытталған. Оларды әзірлеу кезінде:

1. салық төлеушілердің;
2. мемлекеттік органдардың;
3. «Атамекен» Қазақстан Республикасының Ұлттық кәсіпкерлер палатасының;
4. Жоғары аудиторлық палатаның ұсыныстары ескерілді.

Сонымен қатар, бірқатар бастамалар заң жобасы одан әрі қарауға енгізілгенге дейін бизнес-қоғамдастықпен қосымша талқылауды қажет етеді.

 

Бұл бизнес үшін нені білдіреді?

Ұсынылған өзгерістер әзірге заңды күшіне енбегенімен, олар мемлекеттің цифрлық экономиканы дамытуға, инвестициялық ахуалды жақсартуға және салықтық әкімшілендіруді одан әрі жетілдіруге бағытталған ұстанымын көрсетеді. Компаниялар мен кәсіпкерлерге бұл өзгерістердің өз қызметіне ықпалын алдын ала бағалап, жаңа талаптарға дер кезінде дайындалу үшін заңнамадағы жаңартуларды тұрақты түрде қадағалау ұсынылады.

 

FChain – Қазақстандағы бизнеске кәсіби қолдау

FChain мамандары Қазақстан Республикасы заңнамасындағы өзгерістерді күн сайын бақылап, компанияларға жаңа талаптарға уақытылы бейімделуге көмектеседі. Біз бизнеске арналған кешенді қызметтерді ұсынамыз:

Бухгалтерлік қызметтер

• Бухгалтерлік есепті қалпына келтіру;
• Еңбекақыны есептеу;
• Жалпыға бірдей декларациялау мәселелері бойынша сүйемелдеу.

Заңгерлік қызметтер

• Қазақстанда компанияларды тіркеу;
• Бизнесті кешенді заңгерлік сүйемелдеу;
• Фармацевтика және құрылыс компанияларын құқықтық сүйемелдеу;
• Құқықтық аудит жүргізу;
• Заңды тұлғаларды тарату.

HR қызметтері

• Аутстаффинг;
• Персоналды іріктеу (рекрутинг);
• Кадрлық аудит және кадрлық сүйемелдеу.

 Кеңес қажет пе? FChain мамандарына хабарласыңыз. Біз заңнамадағы соңғы өзгерістерді түсінуге, салықтық тәуекелдерді азайтуға және бизнесіңіз үшін ең тиімді шешімдерді таңдауға көмектесеміз.

 

 2026 жылғы Қазақстандағы өзін-өзі жұмыспен қамтыған тұлғалар

Дайындаған: Мөлдір Мұхтар

Бизнес дамыту жөніндегі маман

FChain Қазақстан

📩 almaty@f-chain.com
📱 WhatsApp: +7 771 214 1820