Басты бет
Қазақстанда цифрлық кондоминиумдарға қатысты жаңа қағидалар - FCHAIN

Қазақстанда цифрлық кондоминиумдарға қатысты жаңа қағидалар - FCHAIN

Қазақстанда цифрлық кондоминиумдарға қатысты жаңа қағидалар

Қазақстанда цифрлық кондоминиумдарды құру мен олардың қызметін реттейтін жаңа қағидалар бекітілді. «Цифрлық кондоминиумдарды құру, олардың жұмыс істеуі, есепке алынуы және тоқтатылуы қағидалары» Қазақстан Республикасы Премьер-Министрінің орынбасары – Жасанды интеллект және цифрлық даму министрінің 2026 жылғы 2 шілдедегі № 373/НҚ бұйрығымен бекітілді. Бұйрық 2026 жылғы 12 шілдеден бастап қолданысқа енгізіліп, цифрлық кондоминиумдарды құрудың, есепке алудың, басқарудың және олардың қызметін тоқтатудың бірыңғай тәртібін белгілейді.

Цифрлық кондоминиум дегеніміз не?

Цифрлық кондоминиум – бірнеше қатысушының цифрлық орта объектілеріне ортақ меншік құқығын иеленіп, оларды алдын ала белгіленген қағидаларға сәйкес бірлесіп пайдаланып және басқару нысаны. Қатысушылар цифрлық объектілерді бірлесіп пайдалана алады, оларға билік етеді және келісімнің немесе шарттардың автоматты түрде орындалуын қамтамасыз ететін смарт-келісімшарттың талаптарына сәйкес шешім қабылдайды.

Цифрлық кондоминиум қалай құрылады?

Цифрлық кондоминиумды құрудың негізі:

~ қатысушылар арасындағы келісім;
~ шарттардың автоматты түрде орындалуын көздейтін смарт-келісімшарт.

Қатысушылар ретінде жеке және заңды тұлғалар әрекет ете алады. Қатысушылар басқаруды өздері жүзеге асыра алады немесе кондоминиумның мүддесін білдіретін және қағидаларда көзделген функцияларды орындайтын уәкілетті тұлғаны тағайындай алады.

Цифрлық объектілерді басқару тәртібі

Цифрлық объектілерге қатысты кез келген әрекет қатысушылардың бірінің бастамасы бойынша жүзеге асырылады. Тиісті әрекеттер:

~ басқа қатысушылар растағаннан кейін;
~ немесе смарт-келісімшартта көзделген талаптар орындалған кезде автоматты түрде іске асырылады.

Барлық әрекеттер, құқықтардың өзгеруі және өзге де операциялар ашықтықты қамтамасыз ету және кейіннен бақылау жүргізу мақсатында цифрлық ортада міндетті түрде тіркеледі.

Цифрлық кондоминиумдарды мемлекеттік есепке алу

Цифрлық кондоминиумдарды есепке алуды цифрландыру саласындағы уәкілетті мемлекеттік орган жүргізеді. Кондоминиумның уәкілетті тұлғасы келесі жағдайларда бес жұмыс күні ішінде мемлекеттік есепке алу органына мәліметтерді ұсынуға міндетті:

цифрлық кондоминиум құрылған кезде;
өзгерістер енгізілген кезде;
қызметі тоқтатылған кезде.

Цифрлық кондоминиум қызметінің тоқтатылуы

Цифрлық кондоминиумның қызметі мынадай жағдайларда тоқтатылады:

қатысушылардың шешімі бойынша;
келісімде немесе смарт-келісімшартта көзделген талаптар туындаған кезде;
сот шешімі негізінде.

Қызметі тоқтатылғаннан кейін қатысушылар цифрлық объектілерге құқықтарды бөлу тәртібін өздері айқындайды, егер өзгеше тәртіп келісімде немесе заңнамада белгіленбесе.

Бұл бизнес үшін нені білдіреді?

Цифрлық кондоминиумдарды құқықтық реттеудің енгізілуі цифрлық активтер мен заманауи цифрлық технологиялар және смарт-келісімшарттар негізінде жүзеге асырылатын жобаларды бірлесіп басқарудың құқықтық негізін қалыптастырады. Жаңа қағидалар қатысушылардың өзара іс-қимылының бірыңғай тәртібін белгілеп, бөлінген цифрлық объектілерді пайдалану кезінде құқықтық айқындықты арттырады.

FChain — Қазақстандағы бизнеске кешенді қолдау

FChain мамандары компанияларға заңнамадағы өзгерістерге бейімделуге көмектеседі және бизнеске кешенді құқықтық сүйемелдеуді қамтамасыз етеді. Біз келесі қызметтерді ұсынамыз:

FChain заңнамадағы өзгерістерді тұрақты түрде қадағалап, бизнеске жаңа құқықтық талаптарды уақытылы енгізуге, құқықтық тәуекелдерді азайтуға және қолданыстағы заңнама талаптарына сәйкестікті қамтамасыз етуге көмектеседі.

ҚР Цифрлық кодексі 2026: цифрлық экономиканың жаңа қағидалары

Дайындаған: Мөлдір Мұхтар

Бизнес дамыту жөніндегі маман

FChain Қазақстан

📩 almaty@f-chain.com
📱 WhatsApp: +7 771 214 1820

Ақыл-кеңес

Бізге жазыңыз немесе жақын орналасқан кеңсені табыңыз